تبي الصراحه أحسك صرت متغير
ماعادك الي أعشقه موت ويعشقني
صاير تعاند وصاير وضعك يحير
وصاير تحاول تعنيني وترهقني
وش هالجفا لك شهر قاطع وماتسير
ولاعاد تسأل عن أخباري ياعاشقني
وش جاك حتى تخاصمني وتتغير
وش جاك يالي بسحره فيه علقني
والله وخلوك عذال الهوى مسير
تمشي وراهم وبأسلوبك تضايقني
مابين جورك وظلمك قلبك مخير
لأمسيت عذبتني ولأصبحت تقلقني
ماعادك الي على خبري يامتغير
وهقت قلبـي بحبك ليــن وهقني
بأسلوبك أثبت أنك فعلا صغير
ياخالي الشوق تبطي ماتشوقني
